University of the Faroe Islands
Lesandi
Starvsfólk
Gransking

Ph.d.-ráðið á Setrinum

Ph.d.-ráðið umboðar ph.d.-lesandi á Fróðskaparsetri Føroya og arbeiðir fyri at styrkja korini hjá teimum, stuðla fakligari og yrkisliga menning og fremja samstarv millum ph.d.-lesandi tvørtur um deildir og fakøki.
Phd Ráðið

Um Ph.d.-ráðið

Ph.d.-ráðið verður valt av ph.d.-netverkinum á Setrinum og er mannað av ph.d.-lesandi, sum eru innskrivað á Fróðskaparsetri Føroya.

Ráðið er ein felags rødd fyri ph.d.-lesandi og arbeiðir fyri, at sjónarmið og tørvur teirra verða hoyrd. Ráðið tekur upp mál av felags áhuga og er sambindingarlið millum ph.d.-lesandi, leiðsluna á Setrinum og aðrar viðkomandi eindir.

Umboðan og samstarv

Ph.d.-ráðið arbeiðir fyri, at ph.d.-lesandi hava ávirkan á menningina av ph.d.-útbúgvingini og kørmunum kring hana.

Ráðið hevur eitt umboð í Ph.d.-nevndini, sum hoyrir til Ph.d.-skúlan á Fróðskaparsetri Føroya. Nevndin arbeiðir við at tryggja dygdina í ph.d.-útbúgvingini og viðger mál, sum hava týdning fyri innihald, skipan og karmar fyri útbúgvingina.

Ráðið tekur eisini lut í norðurlendskum samstarvi, eitt nú The Nordic Link, har umboð fyri ph.d.-lesandi skifta royndir og vitan um ph.d.-útbúgving, vegleiðing og arbeiðsumstøður. Samstarvið gevur íblástur til at menna umstøðurnar hjá ph.d.-lesandi á Setrinum.

Arbeiðs- og lestrarviðurskifti

Ph.d.-ráðið arbeiðir fyri greiðum og góðum arbeiðs- og lestrarviðurskiftum hjá ph.d.-lesandi.

Hetta fevnir millum annað um rættindi og skyldur, arbeiðstíð, setanarviðurskifti og býtið millum gransking, undirvísing og aðrar arbeiðsuppgávur.

Ráðið tekur upp felags avbjóðingar og arbeiðir fyri, at ph.d.-lesandi hava góðar umstøður at fremja sína gransking og gjøgnumføra útbúgvingina.

Felagsskapur og trivnaður

Ph.d.-ráðið arbeiðir fyri einum sterkum og stuðlandi felagsskapi millum ph.d.-lesandi á øllum deildum á Setrinum.

Ráðið tekur stig til felags tiltøk, eitt nú skriviløtur, skrividagar, felags miðmálar og aðrar samkomur. Endamálið er at styrkja trivnað, samanhald, vitanarbýti og fakligt samstarv tvørtur um fakøki.

Samband

Hevur tú spurningar, uppskot ella mál, sum tú ynskir, at Ph.d.-ráðið tekur upp, ert tú vælkomin at seta teg í samband við ráðið.

Teldupostur

Almenn kunning um ph.d.-útbúgvingina, upptøku, reglugerðir og skeið er at finna á heimasíðuni hjá Ph.d.-skúlanum á Fróðskaparsetrinum.

Ph.d.-skúlin