Fíggjarligur stuðul til lesandi í Føroyum

Hvør kann fáa stuðul til lestur í Føroyum?

Stuðul til lestur í Føroyum verður eftir umsókn veittur teimum, ið eru lestrarvirkin og hava:

1. danskan ríkisborgararætt og eru búsitandi í Føroyum, ella
2. útlendskan ríkisborgararætt, lógliga uppihalda seg í Føroyum og ikki fáa stuðul úr heimlandinum, men:
   a. áðrenn tey eru fylt 20 ár, hava tikið fastan bústað saman við foreldrum í Føroyum,
   b. eftir at hava fylt 20 ár, hava havt fastan bústað í Føroyum í minsta lagi tvey samanhangandi ár, áðrenn farið verður undir útbúgving, ella
   c. hava fastan bústað í Føroyum og hava verið gift við donskum ríkisborgara í minst tvey ár.

Lesandi við serligum tørvi

Fyri tey, sum hava skerdar lestrarførleikar

Lesandi á Setrinum, ið hava skerdan lestrarførleika, hava rætt til praktiska og/ella sernámsfrøðiliga hjálp og stuðul. Hetta kann t.d. fevna um tilboð til longda útbúgvingar- ella próvtøkutíð, serlig undirvísingaramboð og hjálp í sambandi við t.d. orðblindni.

Hevur tú skerdan lestrarførleika, ið gevur tær lesi- og/ella skrivitrupulleikar, so kanst tú søkja um at fáa atgongd til lesi- og skriviforrit. Set teg í samband við Lestrarskrivstovuna ella Lestrarvegleiðingina fyri at hoyra nærri um, hvørji tilboð eru. 

Nærri kunning um at søkja um hjálparamboð, longda próvtøkutíð ella tillagaða lestrarætlan er at finna HER.