Skriva út

Gisting í Lindberghúsi

Fróðskaparsetrið hevur eini sethús við kømrum, sum verða leigaði út til gestagranskarar, lærarar og próvdómarar og til vitjandi studentar.

Bílegging fer fram á lindbergshus@setur.fo ella á tel. 29 25 29.

Adressan er:

Lindbergshús
Suðuroyavegi 3

Kostnaður :

Prís   Pr. dag Pr. viku  Pr. mðr
Lesandi  300 kr.  1.000 kr.  2.800 kr.
Kandidatar 500 kr.  1.500 kr. 3.800 kr.



Um húsini

Lindbergshús vórðu í 2000 givin Fróðskaparsetri Føroya í arv eftir Pól J. Lindberg. Húsini hava síðani tá verið nýtt til gestabústað.

Við testamenti dagf. 27.7.93 hevur Poul Johannes Lindberg, tilskrivað sjálvsognarstovninum Fróðskaparsetri Føroya húsaogn sína á Suðuroyavegi 3, at ráða yvir sbrt. galdandi ásetingum fyri stovnin, tó við ynski um, at húsini serliga verða nýtt sum gestabústaður til fólk úr øðrum londum, ið annaðhvørt lesa skeið á Setrinum ella gera vísindaligar kanningar føroyskum viðurskiftum viðvíkjandi.

Poul Johannes Lindberg sýndi gjøgnum øll árini virksemi Setursins áhuga á mangan hátt. Í 1970 lýsti Fróðskaparsetrið á fyrsta sinni við einari ritgerðakapping: Fiskaarbeiði í slupptíðini. Poul Johannes Lindberg var ein av luttakarunum og fekk 1. virðisløn fyri avbera gott handrit. Í kappingini 1974/75 um barnaspøl fekk hann 3. virðisløn, og í kappingini 1983/84 um ungmannafeløg fekk hann aftur 1. virðisløn.

Í Lindbergshúsi eru 4 búrúm. Tey hava fingið somu nøvn sum búrúmini, ið upprunaliga vórðu innrættaði í húsum Setursins á Debesartrøð.

Viðtøkur fyri Lindbergs hús - samtyktar 14.3.02