KT-support

KT-support á Setrinum er fyri øll starvsfólk og lesandi á Setrinum.

Sí upplýsingar um samband niðanfyri.

Tænastan kann millum annað hjálpa tær við tól- og ritbúnaði, Moodle, setursteldupostinum, Kervi+ og øðrum teldutrupulleikum beinleiðis knýttum at tínum lesnaði ella starvi á Setrinum.

Fyri tey lesandi er supportin tøk á telefon mánadag til hósdag frá 12.00-16.00. Tað ber eisini til at ringja og skriva uttanfyri tíðirnar tað vanliga er opið (sí niðanfyri). Um telefonin ikki svarar, so verður tú ringd/ur uppaftur so skjótt ein supportari hevur møguleika fyri tí. 

Fráboðan av feilum hjá starvsfólki
Niðanfyri er nærri kunning um mannagongd í samband við fráboðan av feilum ella ólag á KT skipanum og kervi Setursins, umframt umbønir um aðrar KT-tænastur.

Vanlig fráboðan av feili: 

1. Send ein teldupost til KTT@setur.fo
2. Skriva stuttan rámandi tekst um feilin í evnisteigin.
3. Upplýs: 
   a. Navn og telefonnummar
   b. Lýs trupulleikan so væl sum gjørligt, t.d.
        - Á hvørjari deild/húsi er trupulleikin?
        - Er tað ein ella fleiri brúkarar, sum hava sama trupulleika?
        - Hvat fyri skipan er talan um (t.d. er einki samband við prentaran, tráðleyst samband, office e.t.)?
        - Hvussu vísir trupuleikin seg?  Lýs í orðum og um til ber, so kanst tú seta mynd inn av skíggja, ið vísir feilboð.
        - Hvat hevur tú gjørt fyri at loysa trupulleikan?

Við hesum verður uppgávan/fráboðanin sjálvirkandi skrásett, og starvsfólkið fær ein teldupost aftur við uppgávunummari í.

Starvsfólk hjá KT-tænastuni hyggja nærri at trupulleikanum og venda aftur. Í nógvum førum kann trupulleikin loysast við, at KT-vørður yvirtekur telduna úr fjarstøðu.

Starvsfólkið kann eisini svara teldupostinum við meira viðkomandi upplýsing um trupulleikan, ella taka áheitanina aftur.

Aðrar umbønir

Aðrar fráboðanir ella umbønir um tænastur, so sum stuðul í samband við próvtøkur, ráðstevnur og tiltøk annars, skulu sendast til KTT@setur.fo.

Útreiðslur til nýggja útgerð, forrit v.m. skulu játtast av næsta fyrisetta.

KT-supportin kann ikki átaka sær upplæring av starvsfólkum i grundleggjandi KT-førleikum, sum starvsfólkið eigur at hava ognað sær sjálvt ella gjøgnum skipaða upplæring ella skeið. 

Um spurningar eru, ber til at skriva ella ringja til Regin Fjallsbak, KT-leiðara, tlf. 292507, ella skriva til: KTT@setur.fo