10 greinir um vísindalig evni á veg
Ein afturvendandi avbjóðing hjá vísindafólki er at greiða almenninginum frá arbeiði sínum. Tí skipar setrið fyri skriviskeiði fyri vísindastarvsfólk síni.
Mánadagin var annað umfar í ársins skriviskeiði, sum Bjørt Samuelsen skipar fyri. 10 fólk luttaka á skeiðnum, og tey skulu lata hvør sína grein inn, tá skeiðið er lokið. Til mánadagin høvdu øll lagt høvdið í blot fyri at finna røttu yvirskriftina og vinkulin upp á teirra granskingarevni. Hesi uppskot vórðu mett og vend henda og handa vegin, og luttakarnir kundu fara heim aftur við hópin av uppskotum um, hvørjir møguleikar lógu í teirra greinum.
Hósdagin er síðsta freist at lata alla greinina inn, og komandi mánadag fara skeiðsluttakararnir so at viðgera greinirnar. Við tí íblástrinum, sum tá fæst, í skjáttini, verður bara eftir at leggja síðstu hond á verkið. Úrslitini av skeiðnum verða prentað í Vikuskiftisblaðið hjá Sosialinum í vár.
