25 fingið prógv í námsfrøðiligari leiðslu
Útbúgvingin er ætlað skúlastjórum, skúlaleiðarum og teimum, sum vilja arbeiða við skúlaleiðslu, og nú hava 25 fingið prógv
Fyri trimum árum síðani bleiv diplomútbúgvingin í námsfrøðiligari leiðslu boðin út á fyrsta sinni, og í gjár fingu 25 prógv handað.
Útbúgvingin er soleiðis samansett, at fyrstu 30 ECTS-stigini verða brúkt til at koma upp á bachelorútbúgving, og næstu 30 ECTS-stigini er útbúgving í námsfrøðiligari leiðslu.
Útbúgvingin er ætlað skúlastjórum, skúlaleiðarum og teimum, sum hava í huga at arbeiða við skúlaleiðslu.
Styrktar skúlaleiðslur
Yvirskipað snýr námsfrøðilig leiðsla seg um at styrkja leiðandi førleikarnar hjá skúlastjórum og skúlaleiðarum, soleiðis at hann ella hon á besta hátt kunnu stimbra fakligu og sosialu førleikarnar hjá einstaka læraranum. Eisini snýr námsfrøðilig leiðsla seg um at stimbra samstarvið hjá einstaka læraranum við næmingin og foreldrini.
Tað er Námsvísindadeildin á Fróðskaparsetri Føroya í samstarvi við Glasir, sum hevur skipað leiðsluútbúgvingina.
“Tað er gleðiligt, at tey, sum ganga á odda í skúlunum kring landið, kunnu taka leiðsluútbúgving í Føroyum. Sjálvt um skúlaleiðslurnar sum heild rigga væl, hevur leingi verið tørvur á, at skúlaleiðslurnar verða fakliga styrktar, so dagurin í dag er eitt stórt fet rætta vegin,” segði Jenis av Rana, landsstýrismaður á hátíðarhaldinum á Hotel Føroyum.
Stakskeið byrjar í heyst
Tey, sum brenna fyri hesum fakøkinum, skulu spíska sær blýantin nú. Tí sunnudagin er evstamark at tekna seg til eitt spennandi stakskeið á Namsvísindadeildini á Setrinum í heyst, og sum júst snýr seg um yvirskipaða námsfrøðiliga leiðslu. Hetta skeiðið er á masterstigi og fevnir um 15 ECTS-stig.
Málbólkurin er skúlaleiðarar og námsfrøðingar, sum eru í leiðarastarvi. Somuleiðis er skeiðið egnað til fólk, ið umhugsa at søkja eitt leiðslustarv seinni, eins og til fólk, ið arbeiða við organisatiónsmenning á námsfrøðiliga økinum.
Seinni fer Setrið at bjóða eina 120 ECTS-masterútbúgving í leiðslu og stýring/fyrisiting, har tað er møguligt at steðga eftir 60 ECTS og fáa eitt diplomprógv í leiðslu og stýring/fyrisiting á masterstigi.
Tá er møguligt at søkja um at fáa hetta heystarskeiðið í yvirskipaðari námsfrøðiligari leiðslu góðskrivað.
Undirvísarar vera Súsanna Olsen, stjórnamálafrøðingur og master í virðisleiðslu og Jóhannes Miðskarð, cand. ped. í námsfrøðiligari sálarfrøði og ph.d.
Umsóknarfreistin er 14. juni á midnátt, og umsóknir skulu sendast til lestur@setur.fo
Umsóknblað fæst HER.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...