Almenn framløga av bachelorritgerðum á Sjúkrarøktarfrøðideildini

Sjúkrarøktarfrøðiútbúgvingin er ein 4 ára long útbúgving, ið er býtt sundur í 16 eindir.

Í 16. eind skriva lesandi bachelorritgerð og hon var latin inn 10. juni.

Vanligt hevur verið, at munnlig prógvhoyring fer fram aftan á tað, men fyri tíð síðani var avrátt at gera eina roynd at hava almenna framløgu í staðin. Endamálið er at miðla vitanina, sum er fingin til vega við kanningunum, ið eru grundarlag undir skrivliga arbeiðinum.

Heitini á ritgerðunum eru:

• Sjúkrarøktarfrøðingar á røktarheimum

• Likam og sál – hond í hond

• Trupla samrøðan – ein ritgerð um samskifti um seksualitet í sjúkrarøktini

• Tagnarskylda í samband við stovugongd

• “.. men ein sær allan persónin..”

• Sjúkrarøktarfakliga sjónarmiðið: - í mun til palliativa røkt til KOL sjúklingar

Framløgurnar eru almennar og nakað av fólki, umboðandi lesandi, starvsfólk og avvarðandi, var til framløgurnar. Ætlandi verður sami leistur brúkur komandi ár.