Almennur evnisfundur um COVID-19
Mikudagin 17. juni klokkan 16 skipar Fróðskaparsetrið fyri almennum evnisfundi í Kongshøll á Vestaru bryggju í Havn
Evnið á almenna fundinum verður COVID-19, sum tíðliga í vár setti meginpartin av verðini í undantaksstøðu.
Seks serfrøðingar fara fyrst, hvør á sínum øki, at hava stutta framløgu, og síðani verður orðaskifti um, hvat vit hava lært higartil av tí støðu, sum COVID-19 hevur sett okkum í.
Framløgurnar verða fimm minuttir í part.
Avmarkað atgongd verður samsvarandi almennu tilráðingunum, men Setrið stroymir fundin á youtube.
Leinkið til stroymin er her.
Skráin verður henda:
Klokkan 16:
Magni Mohr, prorektari fyri gransking bjóðar vælkomin.
Shahin Gaini, adjungeraður lektari í infektiónsmedisini:
“Jørðina runt í 80 dagar – frá Wuhan til Tórshavn”.
Debes Christiansen, deildarleiðari á patologisku kanningarstovuni á Heilsufrøðiligu Starvsstovuni:
“Frá ILA í laksi til koronavirus í menniskjum”.
Maria Skaalum Petersen, lektari í heilsuvísindum:
”Skuggatalið av korona í Føroyum”.
Heini í Skorini, adjunktur í altjóða politikki, ph.d.:
”Ímillum fólkaræði og serfrøðingaveldi: Fólksligur hugburður til vísindaligar myndugleikar undir korona-undantaksstøðuni”.
Katrin av Kák, námslektari í sernámsfrøði:
“Koronaskúlin – hvussu var hann?”.
Hannes Gislason, professari í kunningar- og samskiftistøkni:
”COVID-19 í Europa – frá Epidemi til Endemi?”.
Orðaskifti undir leiðslu av Brynhild Thomsen.
Ætlandi verður fundurin liðugur umleið klokkan 17.30.
- 19.04.2024 Setrið NámsvísindadeildinNámsvísindaligur granskingardagur 2024Árligi námsvísindaligi granskingardagurin á Fróðskaparset...
- 19.04.2024 Setrið Deildin fyri Heilsu- og SjúkrarøktarvísindiEina stóð ph.d.-verjuna væl og virðiligaSeinnapartin hevur ph.d.-verja verið í Kongshøll á Fróðsk...
- 19.04.2024 Setrið SetursskrivstovanVitlíki: - Hvat skulu vit sjálvi duga nú og í framtíðini?Hvørjar førleikar fara fólk at hava brúk fyri, tá talgild...