Altjóða summarskeið á Føroyamálsdeildini
26 studentar úr ymiskum londum læra seg føroyskt
Í hesum døgum er altjóða summarskeið á Føroyamálsdeildini. Í alt 26 studentar luttaka. Treytin fyri luttøku er kunnleiki til eitt germanskt mál ella málvísindi. Studentarnir í ár eru úr eitt nú Týsklandi, Póllandi, Sveis, Hollandi, Onglandi, Ísrael og USA.
Undirvíst verður serliga í føroyskum í máli, men fyrilestrar eru eisini um føroyskar bókmentir og føroyska søgu.
Skeiðið varir 3 vikur og endar við próvtøku komandi fríggjadag 24. august. Við sær fáa studentarnir 10 ECTS-stig.
Ábyrgd av skeiðinum hevur Hjalmar P. Petersen, lektari. Undirvísarar eru: Marjun Arge Simonsen og Ragnar Sigrunarson.
Á Føroyamálsdeildini verður skift millum norðurlendsk og altjóða summarskeið í føroyskum.
