Atgonguskeið til handverkarar og ófaklærd

Hevur tú arbeitt í tvey ár ella meira og hevur hug til at lesa verkfrøði á Fróðskaparsetrinum, so hava vit rætta atgonguskeiðið til tín - umsóknarfreist er á midnátt 1. juli

Í august 2025 ber til at byrja á atgonguskeiðið á Setrinum, sum gevur beinleiðis atgongd til verkfrøðiútbúgvingina á Náttúruvísindadeildini á Setrinum gjøgnum kvotu 2, umframt verkfrøðiútbúgvingar í Danmark.

Hevur tú bakgrund sum handverkari ella hevur arbeitt sum ófaklærdur handverkari í minst 2 ár, hevur tú møguleika at søkja inn á atgonguskeiðið og sleppur við hesum undan eini 3-ára gymnasialari útbúgving, sum vanliga er fortreyt fyri at verða tikin upp til verkfrøðilesnað.

Størsti parturin av atgonguskeiðnum er á netinum. Tó skulu lesandi møta fýra dagar at gera starvsstovuroyndir. DTU í Danmark tekur sær av allari undirvísing talgilt, meðan teir fýra starvsstovudagarnir eru á Setrinum.

Nærri kunning er her.