Barbara Marinardóttir heldur MA-fyrilestur
Fríggjadagin 21. mai klokkan 14:00 heldur Barbara Marinardóttir MA-fyrilestur í Loftsstovuni á Føroyamálsdeildini
Heitið á fyrilestrinum er "Alheimsstev og tvídráttir í samtíðarskaldsøgum um ríkisstøðu Føroya".
Í fyrilestrinum útgreinar Barbara Marinardóttir partar av MA-ritgerð síni, "Alheimsstevið, sum aldar gjøgnum okkum. Postkolonial lesing av ríkisstøðuni í samtíðarskaldsøgum".
Hon viðger skaldsøgurnar, "Djevelen kan ikke lese" (2014) eftir Silviu Henriksdóttur og "Vit, Føroya fólk" (2019) eftir Bjørk Mariu Kunoy við serligum atliti at lýsingunum av viðurskiftunum millum Føroyar og Danmark við støði í postkolonialum ástøði.
Setningurin er at kanna, hvussu støðan hjá Føroyum í danska ríkinum er lýst.
Til samanberingar verða týðandi eldri skaldsøgur lýstar fyri at vísa, hvussu lýsingin av Føroya støðu í ríkinum er broytt.
Fyrilesturin er almennur og byrjar stundisliga klokkan 14:00.
Tey almennu koronutilmælini verða fylgd.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...