Betri stuðlar gransking á Setrinum
Fróðskaparsetur Føroya hevur fingið játtað meira enn eina millión krónur í granskingarstuðli frá Betri
Einaferð um árið tekur stuðulsgrunnurin hjá Betri, sum eitur Betri-stuðul, støðu til umsóknir um granskingarstudning, og hesaferð hava fimm granskingarverkætlanir á Fróðskaparsetri Føroya fingið játtan.
Talan er um umleið 1.1 millión krónur.
Verkætlanirnar, sum Betri valdi at stuðla á Setrinum í 2021, fevna um granskingarøki á Søgu- og samfelagsdeildini, Deildini fyri heilsu- og sjúkrarøktarvísindi, Føroyamálsdeildini og á Námsvísindadeildini.
Tórunn Højgaard Ósá er námslektari í sjúkrarøktarfrøði og hevur fingið stuðul til sína ph.d.-verkætlan, “Neurologiskar sjúkur hjá børnum í Føroyum: Farsóttarfrøði, svøvnólag og ávirkan av eini tónleikauppliving”
Firouz Gaini er professari í antropologi og hevur fingið stuðul til granskingarverkætlan um pápaleiklutin í dagsins samfelag. Hansara verkætlan eitur “Pápar í Føroyum 2022 - ein kvantitativ kanning av støðuni hjá pápum og familjum í Føroyum”
Elsa D. Johannesen er námslektari í sjúkrarøktarfrøði og hevur fingið stuðul til sína ph.d.-verkætlan, “Palliativ umsorgan í heiminum: Ein kvalitativ kanning í Føroyum”
May-Britt Skoradal er varadekanur á Deildini fyri heilsu- og sjúkrarøktarvísindi og adjunktur í heilsuvísindum. Hon hevur fingið stuðul til eina granskingarverkætlan um typu2-diabetes
Sissal Maria Rasmussen, adjunktur á Námsvísindadeildini, og Hjalmar P. Petersen professari á Føroyamálsdeildini hava fingið stuðul til granskingarverkætlan um fleirmæli í Føroyum
Lesið meira um møguleikarnar fyri granskingarstuðli frá Betri her.
- 19.04.2024 Setrið SetursskrivstovanVitlíki: - Hvat skulu vit sjálvi duga nú og í framtíðini?Hvørjar førleikar fara fólk at hava brúk fyri, tá talgild...
- 19.04.2024 Setrið NámsvísindadeildinKalpana verður nýggjur dekanur á NámsvísindadeildiniNámsvísindadeildin á Fróðskaparsetri Føroya fær nýggjan d...
- 18.04.2024 Setrið FøroyamálsdeildinStórur áhugi í New York fyri føroyskari søgu og mentanTýskvøldið helt Bergur Djurhuus Hansen, dekanur á Føroyam...