Bogi undirvísir granskarum á MIT

Fríggjadagin 24. januar var Bogi Bech Jensen, professari í orkuverkfrøði, á Massachusetts Institute of Technology (MIT), har hann helt eitt seminar um framtíðar vindmyllugeneratorar.

Seminarið var fyri granskarar á Francis Bitter Magnet Laboratory (FBML) á MIT. Endamálið við seminarinum var at greiða granskarunum á MIT frá gongdini í menningini av vindmyllugeneratorum, og at finna eitt møguligt samstarvsøki millum Fróðskaparsetur Føroya, DTU og MIT.

Massachusetts Institute of Technology (MIT) var sett á stovn 10. apríl 1861 og er helst kendasta tekniska universitetið í heiminum. MIT hevur 80 nobelprísmóttakarar (Nobel Laureates) og verður sæð sum fremsta universitetið í heiminum innan verkfrøði og nýtslu av vísindum.

Meir kann lesast um MIT á www.mit.edu