Bók til minnis um Kára á Rógvi, professara

Í Mariehamn í Álandi er forvitnislig bók komin út um sjálvstýrisrørslur í Norðurlondum.

Í Mariehamn í Álandi er forvitnislig bók komin út um sjálvstýrisrørslur í Norðurlondum. Bókin er vígd minninum um Kára á Rógvi, doktara og professara á Fróðskaparsetrinum, sum doyði fyri knøppum ári síðani. Bókin eitur Självstyrelser i Norden i ett fredsperspektiv – Färöarna, Grönland og Åland, og Kári hevur skrivað grein við heitinum “Revideringar av självstyrelselagstiftningen för Färöarna”.

Tvær greinir eru í bókini um føroysk viðurskifti. Hina hevur Lise Lyck, CBS, skrivað um “Færøernes konstitutionelle status efter Anden Verdenskrig med hovedfokus på de økonomiske begivenheder i de senere år”.
 
Ritstjórar eru Sia Spiliopoulou Åkermark, doktari og stjóri á álendska friðarstovninum, og Gunilla Herolf, doktari og granskari á altjóða svenska friðargranskingarstovninum í Stockholm, SIPRI.

Norðurlandaráðið og Álendski friðarstovnurin hava givið bókina út í 2015.

Bókin kann lesast her.