Bókmentakritikkur: Er kreppa ein fyritreyt?
Paula Gaard, ph.d. í bókmentum, hevur javnlíkametta grein í Ritinum, sum er talgildur miðil hjá Hugvísindastovninum á Háskóla Íslands, um bókmentakritikk
Greinin hjá Paulu, sum er tann fyrsta í riti nr 3. 2023, hevur yvirskriftina “Bókmentakritikkur í Føroyum: Er kreppa ein fyritreyt?” (“Bókmenntagagnrýni í Færeyjum: Er kreppa forsenda tilvistar”).
Paula tekur umrøðuna um kreppu í bókmentakritikkinum til viðgerðar. Hon umrøður avbjóðingarnar, sum kritikkur hevur í broytta fjølmiðlasamfelagnum í dag.
Støðan í Føroyum, sum Paula viðger, og støðan í Íslandi líkjast á mangan hátt, ikki minst tí, at í báðum londum er talan um smáar bókmentaskipanir.
Paula vísir, og tað man koma mongum óvart á, at kreppa í bókmentakritikkinum, og somuleiðis tað, at kritikarin er í verjustøðu, er einki nýtt. Tvørturímóti metir hon, at her síggja vit eitt høvuðseyðkenni við bókmentakritikki, sum í roynd og veru hevur ein týðandi leiklut í bókmentalandslagnum.
Paula Gaard er í løtuni í farloyvi sum adjunktur á Føroyamálsdeildini á Setrinum.
Þorvaldur Kristinsson týddi greinina úr føroyskum.
Hon kann lesast á íslendskum her.
- 30.04.2024 Setrið NámsvísindadeildinMinningarorð um Mikkjal MikkelsenMikudagin 24/4-2024 andaðist Mikkjal Mikkelsen, fyrrveran...
- 29.04.2024 Setrið Deildin fyri Heilsu- og SjúkrarøktarvísindiHvítbók: Fótbóltur sum fyribyrging og viðgerðHvítbók er útgivin um fótbólt sum fyribyrging og viðgerð...
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...