University of the Faroe Islands
Lesandi
Starvsfólk
Setrið
Læraraskúlin.jpg
07.04.2026
Setrið Námsvísindadeildin

Eftirútbúgvingarskeið á masterstigi á Námsvísindadeildini

Fjølbroytt úrval av eftirútbúgvingarskeiðum á masterstigi eru tøk at søkja á Námsvísindadeildini á Fróðskaparsetri Føroya

Við einum eftirútbúgvingarskeiði fært tú nýggja vitan, nýggj sjónarmið og betri førleikar at menna undirvísing og námsfrøðiligt arbeiði í skúlaverkinum.

Í heyst hava vit fleiri spennandi eftirútbúgvingarskeið, sum venda sær til starvsfólk í skúlaverkinum, ið vilja menna sínar yrkisfakligu førleikar, og sum kunnu nýtast beinleiðis í verki.

Skeiðini kunnu takast sum partur av einari masterútbúgvingarrøð, men sum einstøk skeið.

Tú kanst velja millum fimm skeið:

• Alis- og evnafrøði sum undirvísingarfak
• Inkluderandi sernámsfrøði sum hugsjón og í verki
• Konflikthandfaring og didaktiska tilgongdin í námsfrøðiliga arbeiðnum við børnum og ungum
• Samfelag, skúli og heim
• Menning av talgildari undirvísing í verki

Skeiðini eru skipað soleiðis, at tey knýta ástøði og praksis saman og geva tær vitan og ítøkiligar førleikar, sum tú kanst nýta beinleiðis í tínum arbeiði.

Tú kanst lesa meira um skeiðini og søkja her.

Umsóknarfreist er á midnátt 1. mai.

Treytin fyri upptøku er, at umsøkjarar hava bachelorútbúgving í undirvísing og/ella námsfrøði ella sambæriliga útbúgving, umframt minst tvey ára viðkomandi starvsroyndir.

 

Onnur tíðindi

Fleiri tíðindi
  1. Próvtøkuótti 13.11.2025 (002)

    Opin fyrilestur á netinum um próvtøkuótta

  2. Rógvi Olavson Staðið Phd 13112026

    Væleydnað ph.d.-verja hjá Rógva

  3. Forsíða Klipt

    Setrið byggir brúgv til miðnám