Evnisdagur um inklusjón í skúlanum
Mikudagin var aulan á Frælsinum karmur um evnisdag um inklusjón og inkluderandi skúlar. Námsvísindadeildin skipaði fyri í samstarvi við granskarar frá Aarhus Universiteti
Næstan 100 fólk frá øllum skúlaverkinum vóru við, tá Námsvísindadeildin helt stóran evnisdag í auluni í síðstu viku. Umboð fyri skúlaleiðslur, lærarar, námsfrøðingar og fólk frá stovnum og feløgum, sum varða av skúlanum, vóru við. Starvsfólk á Setrinum luttóku eisini.
Á skránni var fyrilestur við Lotte Hedegaard-Sørensen, sum er ph.d. og lektari í sernámsfrøði og inklusjón á Aarhus Universiteti. Fyrilestur hennara æt "Eksklusión ella inkluderandi sernámsfrøði".
Kirsten Baltzer, sum eisini er ph.d. og lektari emeritus í sernámsfrøði á Aarhus Universiteti, helt fyrilesturin, "Tey inkluderandi prinsippini í verki".
Seinnapartin greiddi Frida Poulsen, ph.d.-lesandi á Námsvísindadeildini á Fróðskaparsetrinum og Aarhuus Universiteti, frá um granskingarverkætlan sína um "inklusjón í føroyska fólkaskúlanum". Hon legði nakrar varligar ábendingar fram úr granskingarverkætlanini, sum eftir ætlan verður liðug tíðliga í 2023.
Høvi var eisini hjá luttakararnum at skifta orð um evnið, at seta spurningar og at arbeiða í bólkum.
Evnisdagurin var fingin í lag gjøgnum samstarvið millum granskarar á Aarhus Universiteti (Danmarks Pedagogiske Universitet), sum eru knýttir at granskingarverkætlanini á Námsvísindadeildini.
Frida Poulsen, ph.d.-lesandi á Fróðskaparsetrinum (inklusjón í føroyska fólkaskúlanum), Lotte Hedegaard-Sørensen, ph.d. og lektari í sernámsfrøði og inklusjón á Aarhus Universiteti og Kirsten Baltzer, ph.d. og lektari emeritus í sernámsfrøði á Aarhus Universiteti
Kirsten Baltzer ber fram sín fyrilestur
Fitt av fólki var við á evnisdegnum um inklusjón
Eisini Jacob Eli S. Olsen, formaður í Lærarafelagnum, var millum luttakararnar
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...