Frælsi, tjóðskapur og náttúra

Almennur fyrilestur verður á Føroyamálsdeildini hósdagin tann 15. oktober kl. 15.00. Kristján Jóhann Jónsson, dosentur í íslendskum, heldur fyrilestur í Loftsstovu á Føroyamálsdeildini, V. U. Hammershaimbs gøtu 16.

Kristján Jóhann Jónsson, dosentur í íslendskum, heldur fyrilestur í Loftsstovu á Føroyamálsdeild, V. U. Hammershaimbs gøtu 16, hósdagin 15. oktober kl. 15.00 við heitinum Frælsi, tjóðskapur og náttúra

Røtt verður um, hvussu liberalisman í Vesturheiminum broytti fatan okkara av einstaklinginum og harvið áskoðan okkara á náttúru og tjóðskapi.

Við stuðli í yrkingum eftir Jónas Hallgrímsson og Grím Thomsen verður víst á skifti í hugsan um frælsi, tjóðskap og náttúru.
    
Hugleitt verður um, hvørt tann romantiska rørslan fekk serstakan form í Íslandi og ongan enda tóktist at fáa, tí at eingin ídnaðarkollvelting fór fram har fyrr enn í 20. øld.

Fyrilesturin verður á norskum.

Øll eru vælkomin.
 
Kristján Jóhann Jónsson er dosentur í íslendskum máli og bókmentum í Háskóla Íslands - Menntavísindasviði (University of Iceland – School of Education).