Framhaldslestur í Japan við fullari fígging
Japanski sendiharrin í Danmark, Manabu Miyagawa, sum vitjaði Setrið í februar, hevur boðið einum føroyskum lesandi at søkja um at lesa víðari í Japan og fáa fulla fígging til tað.
Sendiharrin segði, at hann vildi sera fegin hava umsóknir úr Føroyum, og Setrið metir, at eru umsóknirnar dygdargóðar, so er møguleikin eisini góður fyri at fáa lestrarpláss í Japan.
Umframt mánaðarligan studning, so rinda tey eisini fyri ferðing, uppihald og øll lestrargjøld (tuition fees) fyri tann lesandi.
Tilboðið er ætlað teimum, sum fara undir at lesa eina masterútbúgving ella gera ph.d.-gransking á japanskum universiteti.
Nærri kunning er at finna á heimasíðuni hjá japansku sendistovuni og á heimasíðuni hjá danska Uddannelses- og Forskningsministeriet.
Lesið meira her.
Og her.
Umsóknarfreistin er 3. august.
Manabu Miyagawa, sendiharri og Chik Collins rektari. Japanski sendiharrin vitjaði á Fróðskaparsetrinum í sambandi við filmsfestival, sum var í Havn, og hann vildi fegin hava ein føroyskan lesandi at koma til Japan at lesa
- 22.03.2024 Setrið Søgu- og samfelagsdeildinFøroyskir filmar í nýggjari vísindaligari bókBye Bye Blue Bird og Dreymar við Havið eru umboðaðir í ný...
- 22.03.2024 Setrið LestrarskrivstovanKom tú eisini og les á SetrinumÁ universiteti okkara í Føroyum, Fróðskaparsetrinum, hava...
- 22.03.2024 Setrið NáttúruvísindadeildinAlment tiltak: Vitlíki millum vit og kenslurFríggjadagin 12. apríl klokkan 15 bjóðar Fróðskaparsetrið...