Framløga av bókini: Trúbótin - ein vanlukka fyri Noregs ríki
Fríggjadagin 10. mai kl. 15 fer norski søguprofessarin Øystein Rian at leggja fram bókina "Trúbótin - ein vanlukka fyri Noregs ríki - men ein brellbiti fyri danska kongin", sum forlagið Stiðin gevur út. Í bókini eru tríggjar greinir hjá Rian, sum Líggjas í Bø hevur týtt, og ein grein hjá Jon S. Hansen um trúbótina í Føroyum.
Í bókini vísa teir báðir á, at trúbótin kom í lag av tí, at ein luthersmaður í 1536 vann innlendisstríðið í Danmark og gjørdist kongur har. Hesin var Kristian 3. Danmark og Noreg høvdu sama kong, og hann hevði ræði á hervaldinum. Tí bar til hjá Kristiani 3., eftir at hava vunnið valdið í Danmark, at nýta sín norska her at berja niður alla mótstøðu í Noregi og seta í fongsul teir biskupar og prestar, sum ikki vildu svíkja sína trúgv. Hetta hendi eisini í Íslandi og Føroyum.
Á bókaframløguni fer norski professarin Øystein Rian at hava ein fyrilestur á umleið ein hálvan tíma um evnið. Framløgan verður á veghæddini á Søgu- og samfelagsdeildini í Jónas Broncksgøtu 25.
- 22.03.2024 Setrið Søgu- og samfelagsdeildinFøroyskir filmar í nýggjari vísindaligari bókBye Bye Blue Bird og Dreymar við Havið eru umboðaðir í ný...
- 22.03.2024 Setrið LestrarskrivstovanKom tú eisini og les á SetrinumÁ universiteti okkara í Føroyum, Fróðskaparsetrinum, hava...
- 22.03.2024 Setrið NáttúruvísindadeildinAlment tiltak: Vitlíki millum vit og kenslurFríggjadagin 12. apríl klokkan 15 bjóðar Fróðskaparsetrið...