Fult teknað til ráðstevnu um sálarheilsu hjá ungum
Stórur gravgangur er eftir at sleppa á ókeypis ráðstevnuna, sum verður í Kongshøll um sálarheilsu hjá ungum, og tí verða fleiri atgongumerki nú at fáa. GG: Nú er fult teknað
Hósdagin 20. apríl klokkan 13:00 verður ráðstevna á Fróðskaparsetrinum í Kongshøll á Vestaru bryggju í Havn undir heitinum, Sálarligir trupulleikar hjá ungum: Hvat er tað, sum bagir?
Ráðstevnan setur sjóneykuna á tey viðurskifti, ið kunnu ávirka sálarligu heilsustøðuna hjá ungdóminum. Sambært fleiri granskarum er sálarligi trivnaðurin hjá ungum í støðugari afturgongd, hóast ungdómurin í dag søguliga neyvan hevur havt betri fortreytir fyri at støðast í lívinum.
Men hvat er tað, sum bagir?
Framløgufólk verða m.a. Ole Jacob Madsen, sálarfrøðingur, heimspekingur og professari, Hermundur Sigmundsson, sálarfrøðingur og professari, Annika Helgadóttir Davidsen, sálarfrøðingur, og Monika Mohr, kandidatur í heilsufremjan.
Teknið tykkum til ráðstevnuna her.
- 19.04.2024 Setrið NámsvísindadeildinNámsvísindaligur granskingardagur 2024Árligi námsvísindaligi granskingardagurin á Fróðskaparset...
- 19.04.2024 Setrið Deildin fyri Heilsu- og SjúkrarøktarvísindiEina stóð ph.d.-verjuna væl og virðiligaSeinnapartin hevur ph.d.-verja verið í Kongshøll á Fróðsk...
- 19.04.2024 Setrið SetursskrivstovanVitlíki: - Hvat skulu vit sjálvi duga nú og í framtíðini?Hvørjar førleikar fara fólk at hava brúk fyri, tá talgild...