Fyrsta undirvísingin í Sjóvinnuhúsinum

Hósdagin var undirvíst í Sjóvinnuhúsinum fyri fyrstu ferð

Enn er ikki alt liðugt, men nógv er liðugt, og tað ber til at undirvísa í einstøkum hølum í Sjóvinnuhúsinum.

Hósdagin hevði Bergur Djurhuus Hansen, lektari á Føroyamálsdeildini,  skeið við lærarum úr miðnámsskúlanum á Kambsdali. Undirvísingin fór fram á 2. hædd. Evnini vóru vistgreining (økokritikkur) og politiskar skaldsøgur.

Lærararnir vóru 8 í tali og høvdu sjálvir tikið stig til skeiðið.

Sjóvinnuhúsið verður eftir ætlan tikið í brúk í februar og mars komandi ár.