Fyrsti føroyski læknin úr Stettin

Seinasta leygardag, 30. juni fekk fyrsti føroyski læknalesandi prógv frá enskmæltu læknaútbúgvingini við Pomeranian Medical University (PMU) i Stettin, Polen.

Talan er um Mary Højgaard, sum fyri 6 árum síðani byrjaði sína útbúgving í Stettin. Hon hevur sostatt klára at tikið útbúgvingina uppá ásettu tíð. Aftaná hana eru higartil farnir 19 aðrir føroyingar til Stettin at lesa á læknaútbúgvingini og ongin teirra hevur uppgivið lesturin.

Til lestrarbyrjan í september 2012 sær tað út til, at fleiri onnur velja at fara hendan vegin at lesa, eisini til tannlækna, sum møguleiki er til á sama staði.