Gamlamannasukursjúka hóttir tey ungu
Alsamt fleiri ung fáa typu 2 diabetes í altjóða høpi. Føroyskur ungdómur er eisini í vanda, tí risikofaktorar so sum at viga ov nógv og at røra seg ov lítið síggjast í stóran mun í kanning av 9. flokkum.
Í 2010-2011 varð farið undir at kanna allar 9. floks næmingar fyri vandan fyri typu 2 diabetes. Endamálið við kanningini var at kanna í hvønn mun risikofaktorar so sum ættarbregði, væntandi rørsla, ov høgt BMI, miðjumát, blóðsukur og langtíðarblóðsukur vóru at finna hjá 9. floksnæmingum í Føroyum.
Les grein hjá May-Britt Skoradal Jacobsen, diabetessjúkrarøktrfrøðingi og undirvísari á Sjúkrarøktarfrøðideildini, sum hevur staðið í Vikuskiftisblaðnum.
