Gestur í nýtt starv í Nuuk

Gestur Hovgaard verður instituttleiðari á Ilisimatusarfik.

Komandi lestrarár skal Gestur búleikast og arbeiða í Nuuk.

Ein av royndastu kreftunum á Fróðskaparsetrinum fer nú á annað beiti í eina tíð. Gestur Hovgaard, lektari á Søgu- og samfelagsdeildini, er settur í starv á universitetinum í Grønlandi, Ilisimatusarfik.

Gestur verður leiðari á instituttinum fyri samfelag, búskap og journalistikk. Gestur er í dag útbúgvingarleiðari fyri sonevndu masterlæruni á Søgu- og samfelagsdeildini. Hann fer í farloyvi í tí starvinum 1. august, tí eftir summarsteðgin gongur leiðin til Nuuk.