Góð undirtøka fyri ph.d-skeiði í granskingaretikki
Hósdagin 14. september varð eitt phd-skeið í granskingaretikki hildið á Søgu- og samfelagsdeildini á Fróðskaparsetri Føroya
Tað vóru navnframu professararnir í etikki, Jesper Ryberg og Thomas Søbirk Petersen, sum vegna Granskingar– og framtakseindina vóru bodnir at koma til Føroya at halda skeiðið.
Tað er fyrstu ferð, at eitt tílíkt skeið hevur verið hildið í Føroyum, og luttøkan var sera góð. 22 luttóku, harav tey allar flestu eru phd-lesandi. Onnur, sum hava ætlanir um at fara í holt við eina phd í næstum, tóku eisini lut.
Undirvíst varð í øllum yvirskipaðum atlitum, lógum og reglugerðum í granskingaretikki, umframt søguligu gongdina á granskingaretiska økinum.
Ætlanin er, at hetta verður eitt afturvendandi phd-skeið, og at øll phd-lesandi í Føroyum skulu taka skeiðið. Hetta er vanligt krav aðrastaðni. Eisini verður eitt annað phd-skeið eftir ætlan hildið á vári 2024. Tað fer at snúgva seg um granskingaretikk, tá tað ræður um serstøk føroysk viðurskifti.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...