Góðu lesandi, komið á lestrarkafé
Setið kross í kalendaran týsdagin 20. september klokkan 15, tí tá verður lestrarkafé í Auluni á Frælsinum fyri øll lesandi á Setrinum
Øll lesandi hava tørv á góðum lesi- og notatteknikki - og eisini kaffi og sambandi við onnur lesandi.
Næsta týsdag klokkan 15.00 skipa lestrarvegleiðararnir fyri lestrarkafé, sum skal vera afturvendandi tiltak fyri øll lesandi á Setrinum.
Hesaferð fer Johild Dulavík, sum er lestrarvegleiðari á Deildini fyri heilsu- og sjúkrarøktarvísindi, at greiða frá og geva góð ráð um, hvussu lesandi kunnu arbeiða við lesi- og notatteknikki.
Ókeypis kaffi/te og køka verður at fáa.
Endamálið við lestrarkaféini er, at lesandi á Setrinum møtast tvørtur um deildir og fáa høvi at hoyra um eitt lestrarviðkomandi evni, samstundis sum tey knýta bond hvør við annan.
Øll eru hjartaliga vælkomin.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...