Granskarar frá Námsvísindadeildini á ConnectED vitjan í Finnlandi

Í mai mánaði vóru Kalpana Vijayavarathan, lektari, og Knút Háberg Eysturstein, ph.d.-lesandi á Námsvísindadeildini á granskaravitjan á University of Lapland í Rovaniemi í Finnlandi

Vitjanin var partur av ConnectED verkætlanini, ið er partur av UArctic netverkinum og stílar eftir at skapa netverk millum granskarar tvørturum Arktis við at leggja eina røð av granskaravitjanum til rættis. Vitjandi toymini eru umboðað av einum ph.d.-lesandi ella yngri granskara og einum seniorgranskara.

Vitjanin á University of Lapland var løgd til rættis av Sara Ihamäki, sum samskipar UArctic netverkið, og Tuija Turunen, ið er professari og dekanur á læraraútbúgvingini og leiðari av UArctic Thematic Network on Teacher Education for Social Justice and Diversity og UNITWIN/UNESCO Network on Teacher Education for Social Justice and Diversity.

Granskaravitjanin í Rovaniemi fevndi um gestafyrilestrar, luttøku í mentorsamrøðum við onnur ph.d.-lesandi á vertsuniversitetinum, umframt vitjanir á lokalum skúlum og aðrastaðni.

Kalpana og Knút greiða nærri frá í bloggi og vloggi, sum kann lesast og síggjast her.