Grein um avleiðingar av haturstalu og ærumeiðing
Nýggj vísindalig grein eftir Sigri M. Gaïni er útgivin í tíðarritinum Sofia Philosophical Review
Greinin, sum eitur “The Individual Consequences of Hate Speech – A Comparison of Defamation and Hate Speech/Group Libel”, samanber persónligu avleiðingarnar av haturstalu við persónligu avleiðingarnar av ærumeiðing og vísir á, at høvuðsargumentini fyri at hava lógir ímóti ærumeiðing eisini gera seg galdandi, tá ið ræður um haturstalu.
Tað er fyrst av øllum persónligur skaði, sum lógir ímóti ærumeiðing verja fyri, og í greinini verður grundgivið fyri, at haturstala eisini elvir til persónligan skaða fyri teir einstaklingar, ið hoyra til minnilutabólkar, sum eru fyri haturstalu.
Niðurstøðan er sostatt, at um ein grundgevur fyri lógum ímóti ærumeiðing, so eigur ein eisini at grundgeva fyri lógum ímóti haturstalu.
Greinin kann lesast frítt her
Greinin er úrslit av ph.d.-verkætlan hjá Sigri M. Gaïni, sum er stuðlað av Granskingarráðnum
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...