Grein um Púkaljóm í Oxford University Press
Í bókini Milton tvørtur um mørk og miðlar er forvitnislig grein eftir Turið Sigurðardóttur, professara emerita, um yrkingina Púkaljóm
Yrkingin Púkaljómur eftir Sjóvarbóndan, sum Jens Christian Djurhuus (1773-1853) varð róptur, er enduryrking av ensku yrkingini Paradise Lost hjá John Milton, og hon er eindømi í føroyskum skaldskapi.
Hvussu flutti føroyska kvæðaskaldið evnið í tí órímaðu lesiyrkingini hjá John Milton til føroyskt, og hvussu varð Púkaljómur móttikin?
Hetta og meira viðger greinin “On the Faroese Reworking of Paradise Lost” eftir Turið Sigurðardóttur í nýggju bókini Milton Across Borders and Media (Milton tvørtur um mørk og miðlar).
Ritstjórar eru Islam Issa og Angelica Duran.
Bókin er í fimm pørtum. Í øðrum parti, Interlingual Borders (Millummálslig mørk), er ein av fýra greinum tann um Púkaljóm.
Meira um bókaútgávuna hjá Oxford University Press her.
- 20.03.2025 Setrið NámsvísindadeildinNámsfrøði: Grønlendingar leita sær íblástur á NÁDÍ dag vóru fimm umboð fyri grønlendsku námsfrøðiútbúgving...
- 19.03.2025 Setrið Deildin fyri Heilsu- og SjúkrarøktarvísindiUndirvísarar á Setrinum vinna milliónaheiðurMasterútbúgvingin í heilsuvísindum hevur vunnið hálvaaðru...
- 19.03.2025 Setrið Náttúruvísindadeildin Søgu- og samfelagsdeildinHava útvegað fýra milliónir til granskingAnni Djurhuus og Ragnheiður Bogadóttir, granskarar á Fróð...