Hildigunn Steinhólm Højgaard sett sum námslektari í sjúkrarøktarfrøði

Hildigunn, sum hevur royndir frá undirvísing á deildini, er sett sum námslektari á Sjúkrarøktarfrøðideildini

Hildigunn Steinhólm Højgaard sett sum námslektari í sjúkrarøktarfrøði

Hildigunn er útbúgvin sjúkrarøktarfrøðingur og jarðamóður, áðrenn hon í 2007 tók masterútbúgving í fólkaheilsu. Eftir lokna masterútbúgving hevur Hildigunn tikið m.a. ymisk ph.d. skeið.

Hildigunn hevur síðan 2012 luttikið í undirvísing á Sjúkrarøktarfrøðideildini, m.a. í tíðaravmarkaðum starvsetanum.  Frammanundan hevur hon m.a. starvsroyndir sum jarðamóður í Danmark, Noregi og Cameroon. Eisini hevur hon starvsroyndir sum granskingarhjálpari á Deildini fyri Arbeiðs- og Almannaheilsu í Tórshavn.

Hildigunn Steinhólm Højgaard byrjaði sum námslektari í sjúkrarøktarfrøði tann 22. august 2016.