Hvussu komi eg víðari við ph.d.-verkætlanini?

Hósdagin tann 14. novembur kl. 9-12 verður sprotabólkafundur fyri ph.d.-lesandi og tey, sum hava áhuga í at skriva eina ph.d.

Vegna Vísindamót, íð er felag fyri tey akademisku starvsfólkini á Setrinum, bjóðar Kristianna Hammer øllum ph.d.-lesandi, og teimum sum hava áhuga í at hoyra meira um, hvussu ein ph.d.-verkætlan verður útinnt, at koma á fund tann 14. novembur kl. 9-12 á Jónas Broncks gøtu 25, stovuhædd.
 
Endamálið við sprotabólkinum er at skapa eitt fakligt umhvørvi fyri ph.d-lesandi, m.a. við at skipa fyri ph.d.-skeiðum og veita stuðul til tey, sum ætla sær í gongd við at eina ph.d.-ritgerð. Kristianna Hammer, stigtakari, greiðir soleiðis frá:

“Hugsanin er, at arbeiða individuelt við tykkara verkætlan, við vegleiðing, kritikki og spurdómum o.ø.  Hugsanin er eisini, at vit møtast 3. hvønn mánað.   - Sprotabólkurin er ein opin og frívilligur bólkur, og vit vilja sjálvsagt fegin hoyra hugskot um, hvussu ein slíkur bólkur kann virka frameftir."