Jógvan í Lon fingið M.A. Jacobsens fyri yrkisbókmentir
Jógvan í Lon Jacobsen, professari í føroyskum á Fróðskaparsetri Føroya, hevur fingið virðisløn M.A. Jacobsens fyri yrkisbókmentir
Á samkomu í Müllers Pakkhúsi í Havn seinnapartin fekk Jógvan í Lon Jacobsen, professari á Føroyamálsdeildini, viðurkenning fyri stóra verkið hjá sær, Føroysk purisma.
Í grundgevingini skrivar dómsnevndin, at bókin varpar nýtt ljós á føroyska málsøgu við purismuni við purismuni sum sáld. Við støði í stórari samanberandi kanning setir høvundurin føroyska purismu í norðurlendskt høpi og gevur soleiðis lesarunum eina djúpari fatan av puristiskum hugburði í samtíðini. Hetta er eitt viðkvæmt evni - er tað føroyskt ella bara orð í føroyskum? Høvundurin lyftir seg upp um ósemjurnar og vísir á, at málvariatión skapar rúmari ræsur í málinum.
Jógvan i Lon lýsir føroyska purismu við vísindaligum neyvleika og miðlar hana á ein hátt, sum er viðkomandi bæði fyri frøðingin og tann vanliga føroyingin við áhuga fyri málinum.
Vit á Fróðskaparsetri Føroya ynskja starvsfelaga okkara, Jógvani í Lon Jacobsen, hjartaliga til lukku við virðisløn M.A. Jacobsens!
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...