Kampus: Felagsbygningurin liðugt projekteraður

Arbeiðið at gera felagsbygningin í kampusverkætlanini verður nú boðið út

Hjartað í universitetsbýlinginum, felagsbygningurin, verður nú boðið út.

Innslag var í útvarpstíðindunum hjá KVF í gjár, har Ósbjørn Jacobsen frá Henning Larsen North Atlantic greiddi frá, nú tey eru liðug at projektera bygningin.

Tá útboðið er av, og innkomnu tilboðini viðgjørd, verður verklagslóg gjørd og løgd fyri løgtingið at taka støðu til. 

Í innslagnum varð sagt, at um løgtingið samtykkir verklagslógina fyri summarfrítíðina, kann arbeiðið byrja beinanvegin, og mett verður so,  at bygningurin kann takast í nýtslu á heysti í 2030.

Hoyrið innslagið her.