Kom og kanna...!

Vísindasýningar eru ein máti at miðla vísindi undir heilt øðrvísi umstøðum enn vanligt.

Á Vísindavøku luttekur Setrið bæði við fyrilestrum og framsýningarbási, og lesandi á Námsvísindadeildini hava átikið sær at skipa fyri vísindasýning, har børn (og vaksin) hava høvi at kanna ymiskt innan jarðriv og mold.

Valið fall á hesi evni, tí tey lesandi hava arbeitt við náttúruvísindaligum háttaløgum, og hava í tí sambandi arbeitt við ávirkanini av veðri og biti á føroyska lendið.

Á básinum verður ymiskt at gera sjálv, m.a. við sjóneyku at síggja elasmá dýr sum liva í mold, og at royna hvussu veðurfyribrigdi ávirka jarðriv.

Eisini verður høvi at svara spurnablaði um matpakkar.

Føroyamálsdeildin og Søgu- og samfelagsdeildin skipa fyri spurnakappingum um mál, bókmentir og søgu.

Vísindavøkan 2014 er fríggjadagin 26. september frá kl. 8-22.