Kom og les á Setrinum

Nú er klárt at søkja inn til lestur á Fróðskaparsetrinum, at byrja eftir summarfrítíðina.

Til ber at søkja elektroniskt á netinum. Sí nærri HER.

Í ár verður talan um upptøku til 11 bachelorútbúgvingar. Hesar eru:

• KT-verkfrøði
• Fólkaskúlalærari
• Námsfrøði
• Sjúkrarøktarfrøði
• Sosialvísindi og samfelagsplanlegging
• Politikkur og umsiting
• Søga - smátjóðir og altjóðagerð
• Føroyskt - mál og bókmentir
• Vistfrøði (lívfrøði)
• Havlívfrøði
• Mýlalívsvísindi (lívfrøði)

Av masterútbúgvingum er 7 at velja ímillum, tær eru:

• Føroyskt - mál og bókmentir
• Søga
• Politikkur og umsiting
• Sosialvísindi og samfelagsplanlegging
• Løgfrøði
• Heilsuvísindi
• West Nordic Studies (umsóknarfreist 1. juni)

Umsóknarbløð, saman við leiðbeiningum og nærri kunning annars, eru at finna HER á heimasíðuni.

Talan er um tvær ymiskar umsóknarfreistir, fyri ávíkavist KVOTU 2, sum er hendan, sett til 15. apríl 2018 á midnátt, og KVOTU 1, ið er sett til 1. juli 2018.

Fyri umsøkjarar, sum søkja inn eftir kvotu 1, verður einans hugt eftir miðalpróvtalinum í gymnasiala miðnámspróvnum. Hinvegin er møguleikin at søkja inn eftir kvotu 2 fyri tey, ið antin ikke hava nóg høgt miðalpróvtal í gymnasiala miðnámspróvnum til at verða upptikin gjøgnum kvotu 1, ella at tey hava útlendsk miðnámsprógv. Nærri kunning um hetta er at finna HER

Nærri kunning fyri hvørja útbúgving sær, er eisini at finna HER