Tað er altíð forvitnisligt fyri stór sum smá at vera á Vísindavøku. Hendan myndin er frá stóra tiltakinum í 2025 (Foto: Leivur Frederiksen/Granskingarráðið)
Komið øll á granskingarfestival!
Fyrireikingarnar eru næstan komnar undir land, og stóri almenni granskingarfestivalurin, Vísindavøka, byrjar í Sjóvinnuhúsinum klokkan 08:30 fríggjadagin 25. september
Skráin er á tremur við spennandi stuttum framløgum í Kongshøll, sum eftir ætlan skulu miðlast soleiðis, at “vanlig fólk” skilja, hvat tað snýr seg um.
Eisini eru mong sera áhugaverd tiltøk fyri stór og smá á Svalanum og í garasjuni.
Somuleiðis er forvitnislig miðlakapping, og at enda fær onkur eitt herðaklapp fyri góða og skilliga miðling av gransking.
Ómetaliga mong og fjølbroytt granskingarevni verða løgd á blik á Vísindavøkuni. 20 vísindaligar framløgur verða, og tit kunnu síggja niðanfyri, hvørji evnini eru og velja tykkum okkurt burturúr.
Granskingarráðið, sum er vertur, ynskir sær, at mong koma á gátt at hoyra og síggja, hvat føroysk gransking fæst við, og hvat kemumr burturúr.
Tey, sum ikki kunnu møta, hava møguleika at fylgja við allan dagin á stroyminum, sum er HER.
08.30 | Vælkomin á Vísindavøku
|
08.40
| Stóra kreppan í 1990unum og fólkaræðið í Føroyum
|
09.00
| Ferð undir havsins botni – Antropologiskar hugleiðingar um fólk og undirsjóvartunlar
|
09.20
| Hugburður til barnakoppseting í Føroyum
|
09.40
| Artrosa – venjing sum viðgerð
|
10.00
| Føðsluevni og dálkingarevni í siðbundum føroyskum mati
|
10.20 | Skógarvøkstur og risagosfjøll – Føroyar fyri 56 milliónum árum síðani
|
10.40
| Havsins talgildi tvíburi
|
11.00
| Umhvørvis DNA og RNA – Uppsjóvarfiskur frá einum øðrvísi sjónarmiði
|
11.20 | Hvussu minka vit oljunýtsluna í fiskiskapinum?
|
11.40 | Føroyskir hvalir ella ein felags stovnur?
|
12.00 | Kvinnuheilsa í broyting – vitan, avbjóðingar og møguleikar
|
12.20
| Bókmentir og tíð - er tíð altíð tað sama?
|
12.40
| Nýggjur sjúkrarøktarleiklutur í heilsuverkinum
|
13.00
| PCD - ein sjáldsom ílegusjúka við hægri títtleika í Føroyum
|
13.20
| Samanhald gevur styrki – Føroysk kvinnurørsla í 1970- og 1980-árunum
|
13.40
| Hin fátæka javnvágin – Føroysk fátækrahjálp 1767-1855
|
14.00
| Umhvørvisligar broytingar í sambandi við botnfiskastovnar á Føroya Banka
|
14.20
| Frá ráum dátum til veruliga vitan - metadátugrunnurin
|
14.40 | Nýtsla av fleirstrálu ekkoloddi til nágreiniliga havdýpdarmáting
|
15.00 | Elektronmikroskop gevur nýggjar granskingarmøguleikar |
15.30 | Miðlafagnaður Snarrøðu-kapping - røður á 150 sekund
Gestainnslag: Tá list og gransking samskapa Vinnari av snarrøðukappingini kosin |
Uttanfyri |
|
9.00 – 15.00 | Tiltøk fyri børn og vaksin Næmingar og lærarar á Glasi gera royndir |
Svalin |
|
9.00 – 15.00 | Ymisk tiltøk og royndir fyri børn og vaksin Stovnar skipa fyri |
