Korona: Kropslig venjing heima
Magni Mohr, dekanur á Deildini fyri Heilsu- og sjúkrarøktarvísindi, hevur saman við donskum og tunesiskum granskarum útgivið vísindaliga grein um kropsliga heimavenjing í COVID-19-undantaksstøðuni
Greinin, sum eitur “Physical activity and coronavirus disease 2019 (COVID-19): Specific recommendations for home-based physical training”, er skrivað av Amri Hammami, Basma Harrabi, Magna Mohr og Peter Krustrup og er er útgivin í vísindaliga tíðarritinum, "Managing Sport and Leisure".
Greinin viðger heilsuligu trupulleikarnar, ið stava frá avmarkaðum møguleikum at venja kropsliga í undantaksstøðuni, sum valdar, og kemur við granskingargrundaðum tilmælum um treystisvenjing fyri trenað, kropsliga virkin, ótrenað, sjúklingar og eldri fólk.
Talan er bert um heimavenjingar ella venjingar, sum kunnu gerast á egnum matrikli ella í nærumhvørvinum og við tryggari frástøðu í samsvari við koronatilmælini.
Eisini er styrkivenjingarætlan lýst, sum kann gerast heima.
Tabellin her er úr greinini og vísir, hvussu treystisvenjing (aerob) kann leggjast til rættis og stýrast av tí einstaka.
Samandráttur av greinini kann lesast her.
- 23.04.2024 Setrið Søgu- og samfelagsdeildinSACS 2024: Altjóða skeið í Tansania um landgrunsrættHesa vikuna verður skeiðið í havrætti, Summer Academy on...
- 23.04.2024 Setrið Søgu- og samfelagsdeildinPh.d.-verja: Sigri M. Gaïni6.mai klokkan 13.00 fer Sigri M. Gaïni at verja sína ph.d...
- 23.04.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...