Kunningartiltak á Klaksvíkar Bókasavni
Týskvøldið 26. februar kl. 19 verður skipað fyri kunning um útbúgvingarnar á Setrinum á Klaksvíkar Bókasavni
Fríggjadagin 15. mars er umsóknarfreist til at søkja inn til lestur á Fróðskaparsetur Føroya eftir kvotu 2.
Kvota 2 er møguleikin hjá teimum, har miðaltalið í gymnasiala miðnámspróvnum ikki er nóg gott ella har umsøkjari hevur annað javngott prógv á sama stigi ella hægri. Tá verða eisini aðrir førleikar enn gymnasialt miðnámsskúlaprógv tiknir við í metingina.
Í hesum sambandi verður skipað fyri kunning um útbúgvingarnar. Í Klaksvík verður kunning týsdagin 26. februar. Um dagin verður kunning fyri næmingum á miðnámsskúlanum og um kvøldið kl 19 verður almenn kunning fyriskipað á Klaksvíkar Bókasavni kl 19. Her fáa fólk høvi at hoyra nærri um útbúgvingarmøguleikar á Setrinum til heystar. Í ár er møguligt at søkja inn á 7 ymiskar útbúgvingar á Setrinum. Hesar eru:
• Lærari
• Námsfrøði
• Sjúkrarøktarfrøði
• Sosialvísindi og samfelagsplanlegging
• Politikkur og umsiting
• Søga
• Føroyskt
Altjóða Skrivstovan á Fróðskaparsetri Føroya luttekur eisini við kunning um kvotu 2 umsóknir til upptøku til lestur í Danmark.
Nærri kunning um upptøku 2013 og útbúgvingarnar eru at finna á setur.fo.
