Kvøldskráin fyri Markleysa útbúgving 2015

13. árið á rað verður skipað fyri útbúgvingarmessuni Markleys útbúgving.

Eins og undanfarin ár er skráin fjølbroytt við umboðum frá øllum hægri útbúgvingum í Føroyum, okkara grannalondum og meira fjarskotnum londum, sum t.d. Kina og Australia.

Markleys Útbúgving roynir at kveikja tykkara áhuga fyri víðari lestri. Lestrarmøguleikarnir eru nógvir, og kunnu tykjast bæði spennandi, men eisini ringir at fáa yvirlit yvir. Tí eru Altjóða Skrivstovan við Setrið og lestrarvegleiðararnir til reiðar at veita vegleiðing í spurningum, sum viðvíkja vali av útbúgving.

Vit eggja tykkum staðiliga til at fara til fyrilestrar og at tosa við serfrøðina, sum mannar básarnar, so tú fært íblástur og ítøkiliga vegleiðing í, hvagar tú kanst fara.

Um dagin eru tiltøk fyri lesandi í fráfaringarflokkunum á landsins miðnámsskúlum og um kvøldið eru øll áhugað vælkomin.