Leiðaraútbúgving til námsfrøðiliga økið
Masterskeið í leiðslu á dagstovna-, serstovna-, frítíðarskúla- og skúlaøkinum
Á heysti 2020 skipar Fróðskaparsetrið fyri skeiðum á masterstigi fyri leiðarar á námsfrøðiliga økinum.
Í fyrsta umfari verða boðin út tvey skeið, á tilsamans 30 ECTS. Hesi bæði skeiðini verða lisin í lestrarárinum 2020/21.
Fortreytir fyri upptøku er ein B.Ed.-útbúgving, t.v.s. prógv antin sum lærari ella námsfrøðingur eftir nýggju skipanini. Tey, sum hava gomlu námsfrøðinga- ella læraraútbúgvingina ella ein professiónsbachelor, kunnu taka ískoytisútbúgvingina til B.Ed., sum verður lestrarárið 2019/20. Sostatt kunnu tey, sum hava gomlu námsfrøðinga- ella læraraútbúgvingina ella ein professiónsbachelor, komandi árið uppstiga seg til B.Ed., og síðani taka leiðsluskeið á masterstigi lestarárið 2020/21.
Í ískoytisútbúgvingini er ætlanin, at tey lesandi skulu arbeiða við akademiskum háttaløgum við støði í teirra faki. Hetta merkir, at tey, sum í sínum dagliga yrki arbeiða, ella vilja arbeiða, við leiðslu, eisini hava høvi at menna leiðsluførleikarnar undir ískoytisútbúgvingini.
Nærri kunning um lestrarleistin fæst her
- 15.04.2024 Setrið Deildin fyri Heilsu- og SjúkrarøktarvísindiSemjuskjal um heilsugransking og undirvísingMargit Stórá, landsstýriskvinna í heilsumálum, og Djóni N...
- 15.04.2024 Setrið LestrarskrivstovanUmsóknarfreistin til kvotu 2 er á midnáttErt tú til reiðar? Á midnátt 15. apríl er umsóknarfreist...
- 10.04.2024 Setrið LestrarskrivstovanSetrið vitjar miðnámsskúlarnarNú er Setrið farið á ferð kring landið til miðnámsskúlarn...