Instituttið, sum her sæst úr Njalsgade, liggur í syðra parti av kampus í bygningi 22 og 27 (Foto: ku.dk)
Lektarastarv í føroyskum á KU
Endamálið við lektarastarvinum er at kanna nýggjar altjóða samanhangir, sum Føroyar verða sæddar í
Lektarastarv í føroyskum er lýst leyst á universitetinum í Keypmannahavn.
Við starvinum fylgir játtan til eina ph.d-verkætlan. Ph.d.-vegleiðing og undirvísing er tí partur av starvinum.
Tað er hugvísindaliga deildin á KU, sum lýsir við starvinum, og granskingin og undirvísingin verður knýtt at Institut for Nordiske Studier og Sprogvidenskab (NorS).
Starvið skal úr einum hugvísindaligum sjónarhorni fáa fram nýggja vitan um broytingarnar í Norðuratlanshavi og vera við til at “skabe stærkere og mere forpligtede rammer for samarbejdet mellem fakultetet og Fróðskaparsetur Føroya/Færøernes Universitet”.
Nýggja starvið er úrslit av samráðingunum um donsku fíggjarlógina í fjør, og serlig játtan er latin til starvið fyribils í trý ár.
Umsóknarfreist er 10 desember.
Starvslýsingin sæst her.
