Lesandi á skeiði í Íslandi

Lesandi á Námsvísindadeildini á Setrinum eru júst afturkomin av norðurlendskum skeiði í Íslandi um málsliga og mentanarliga arvin, sum er í broyting

Í døgunum 8. til 15. mars vóru læraralesandi á Námsvísindadeildini saman við tveimum undirvísarum á norðurlendskum skeiði á Borgarnesi í Íslandi. Heitið á skeiðnum var Nógvar røddir – ein staður: Málsligi og mentanarligi arvurin í broyting.

Skeiðið er partur av einum netverki, sum kallast Spica.

Spica er fíggjað av Nordplus, og tað eru sjey læraraútbúgvingar úr øllum Norðurlondum, ið mynda netverkið.

Spica-netverkið brúkar ymisk norðurlendsk støð at kanna stórar altjóða avbjóðingar og at styrkja um altjóðagerð og millumtjóða samstarv í Norðurlondum.

Í fjør var Námsvísindadeildin á Setrinum vertur.

Til ber at lesa meira um Spicanetverkið her.