03.05.2017
Altjóða Skrivstovan Til lesandi Søgu- og samfelagsdeildin
Skriva út

Longd freist at søkja inn á West Nordic Studies

Enn eru nøkur pláss eftir á einastu enskmæltu útbúgvingini á Fróðskaparsetrinum, West Nordic Studies, Governance and Sustainable Management. Tí hevur Setrið gjørt av at leingja freistina hjá føroyskum og norðurlendskum umsøkjarum til 1. juni 2017 á midnátt


West Nordic Studies, Governance and Sustaianble Management er ein masterútbúgving, har dentur verður lagdur á samfelagsligu og umhvørvisligu avbjóðingarnar í londunum í Útnorði við serligum atliti at t.d. árininum av veðurlagsbroytingum, at matoyðsli, at burðardyggari ferðavinnu, umframt at luttøkuni í sivilsamfelagnum.

Kravið til umsøkjarar er ein bachelorútbúgving í samfelagsvísindum – ella líknandi útbúgving við minst trimum ára viðkomandi arbeiðsroyndum.

 - Vit taka skikkaðar umsøkjarar inn, til øll lestrarpláss eru farin - ella fram til 1. juni, sigur Lau Øfjord Blaxekjær, útbúgvingarleiðari, og heitir á áhugaðar umsøkjarar um at søkja sum skjótast.

Áhugað kunnu seta sg í samband við útbúgvingarleiðaran, um tey hava eitthvørt at spyrja um í sambandi við útbúgvingina. Tað gerst við skriva til laub[at]setur.fo ella ringja 29 25 99.

Les meira um, hvussu søkt verður inn á master í West Nordic Studies, Governance and Sustainable Management HER.

Grein um West Nordic Studies, Governance and Sustainability kann lesast her.