University of the Faroe Islands
Lesandi
Starvsfólk
Setrið
Lydia væleydnaðan MA-fyrilestur
26.01.2017
Føroyamálsdeildin

Lydia væleydnaðan MA-fyrilestur

Nógv fólk komu at hoyra Lydiu Didriksen halda MA-fyrilestur á Føroyamálsdeildini 20. januar.


Námsskipanin á Føroyamálsdeildini ásetur, at studentar, sum hava fingið MA-ritgerðina góðkenda og próvdømda, halda ein fyrilestur við støði í ritgerðarevninum. Fyrilestrarevnið, sum Lydia fekk frá vegleiðaranum, var: Viðger autofiktión paratekstliga og frásagnarliga í útgávuni Sig at du lyver (2011) eftir Silviu Henriksdóttur.

Lydia helt ein greiðan og væl skipaðan fyrilestur á høgum fakligum stigi. Próvdómararnir søgdu í metingini, at fyrilesturin var ástøðiliga væl grundaður, greiningarnar neyvar og fyrilestrarevnið sera væl svarað.

Av teimum í alt 120 ECTS-stigunum í MA-útbúgvingini telur endaligi fyrilesturin 2.

Eftir prógvhandanina nýtti Lydia høvið at takka fyri undirvísingina og tíðina á Føroyamálsdeildini.

Onnur tíðindi

Fleiri tíðindi
  1. Próvtøkuótti 13.11.2025 (002)

    Opin fyrilestur á netinum um próvtøkuótta

  2. Rógvi Olavson Staðið Phd 13112026

    Væleydnað ph.d.-verja hjá Rógva

  3. Forsíða Klipt

    Setrið byggir brúgv til miðnám