MA-fyrilestur á Føroyamálsdeildini

Hósdagin 6. februar heldur Tóta Árnadóttir MA-fyrilesturin “Fuglamotiv í føroyskum kvæðum – formur, innihald og granskingarsjónarhorn”.

Evnið í fyrilestrinum hevur støði í MA-ritgerð Tótu ““Tílíkan fugl so kjósi eg mær”. Fuglurin sum mynd í eldri føroyskum kvæðum – ein kanning av motivinum “fuglur og kvinna” sum tað kemur fyri í ymsum sniðum í føroyskum kvæðauppskriftum, samanborið við skyldar europeiskar heimildir”.

Fyrilesturin verður í Loftsstovuni á Føroyamálsdeildini. Hann er almennur og byrjar stundisliga kl. 15.00