
Mannarættindi og heimsspekiligar avbjóðingar
Viðmerking: Mannarættindi og heimsspekiligar avbjóðingar. Hetta er heitið á nýggjari grein, sum Jógvan D. Hansen, námslektari á Søgu- og samfelagsdeildini, hevur latið út hondum, og sum er partur av serútgávu av Fróðskaparriti um menniskjarættindi í Føroyum
Hugsanin um, at menniskjað hevur nøkur grundleggjandi rættindi, gongur langt aftur í heimspekisøguna. Men grundgevingarnar fyri hesum rættindum hava verið rættiliga ymiskar. Spurningur hevur eisini verið settur við, um hesi rættindi eru íborin ella at meta sum samtykt manna millum.
Ikki kann sigast, at nøkur endalig semja er um henda spurning. Men samstundis er tað ein royndur lutur, at mannarættindahugtakið hevur ein týðandi leiklut bæði í heimligari og altjóða rættarfatan.
Bæði í nationalari lóggávu og í millumtjóða sáttmálum verður tikið atlit til mannarættindayvirlýsingina og mannarættindahugsanina í stóran mun. Men tað merkir ikki, at tað ikki finnast avbjóðingar. Heimurin stendur ikki í stað, og tað ger uppfatanin av mannarættindum heldur ikki. Brot á mannarættindini er gerandiskostur, og atfinningar at mannarættindunum koma frá fleiri síðum.
Greinin hjá Jógvan D. Hansen fer ikki út í æsir við øllum hesum viðurskiftum, men víst verður á nøkur viðurskifti av prinsipiellum týdningi.
Lesið greinina her.
Lesið alla serútgávina av Fróðskaparriti um menniskjarættindi her.
- 08.02.2025 Setrið FøroyamálsdeildinSamtíðardansur: Rannvá og Vár fingið gávugóðsSeinnapartin var hátíðarhald á Fróðskaparsetri Føroya, tá...
- 04.02.2025 Setrið Søgu- og samfelagsdeildinMannarættindi: Frá teksti til læruGreining av ítøkiligum rættarmálum er merkt av lítlari áh...
- 30.01.2025 Setrið FøroyamálsdeildinAlment tiltak: Gávugóðs til ungt listafólkNú verður aftur árliga handanin av gávugóðsi úr Grunni Th...