NÁD-granskarar í Sosialinum

Fyrsta fríggjadag í hvørjum mánaði í 2025 verða greinar í Sosialinum, sum granskarar á Námsvísindadeildini á Fróðskaparsetri Føroya skriva

Greinarøðin hevur til endamáls bæði at varpa ljós á námsfrøðina sum fakøki yvirskipað og á ítøkiliga gransking á námsfrøðiliga og útbúgvingarliga økinum í Føroyum.

Evnini í greinunum eru ógvuliga fjølbroytt og fevna um bæði smábarnagransking, skúlagransking og - sum í fyrstu greinini - námsfrøði og demokrati. 

Fyrsta greinin í røðini er í dagsins Sosiali.

Hana hevur Sigri M. Gaїni, ph.d. í politiskari heimspeki og námslektari í lívsáskoðan, siðalæru og vísindaástøði, skrivað.

Greinin eitur “Námsfrøði er ein týdningarmikil liður í heimspekini”.