University of the Faroe Islands
Lesandi
Starvsfólk
Setrið
Lesandi Í Námsfrøði Í Grønlandi Socialpædagogisk Seminarium

Tvey lesandi á Socialpædagogisk Seminarium í Grønlandi. Umboð frá grønlendsku útbúgvingini eru í Føroyum og leita sær íblástur frá Námsvísindadeildini (Foto: pi.sps.gl)

20.03.2025
Setrið Námsvísindadeildin

Námsfrøði: Grønlendingar leita sær íblástur á NÁD

Í dag vóru fimm umboð fyri grønlendsku námsfrøðiútbúgvingina á vitjan á Námsvísindadeildini á Fróðskaparsetri Føroya fyri at leita sær íblástur

Grønlendska námsfrøðingaútbúgvingin skal í næstum hava nýggja námsskipan, og í tí sambandi komu fimm umboð frá Socialpædagogisk Seminarium í Grønlandi í dag á Námsvísindadeildina á Setrinum. Gestirnir vildu hoyra um útbúgvingarskipanina í Føroyum við serligum denti á bachelorútbúgvingina í námsfrøði, sum verður boðin út á Setrinum.

Hans Harryson, varadekanur, og Marius Joensen, útbúgvingarleiðari, saman við grønlendsku gestunum frá Socialpædagogisk Seminarium

Framløgur vóru á skránni um hægri lestur í Føroyum og um útbúgvingarnar, sum Námsvísindadeildin veitir, og síðani var orðaskifti um, hvussu Norðurlond kunnu fáa fleiri ungdómar at velja lestur í námsfrøði, har tørvurin er so stórur og týdningurin við.

Lesið meira um grønlendsku útbúgvingarnar her.

Og lesið um og søkið inn á føroysku námsfrøðiútbúgvingina her.

Onnur tíðindi

Fleiri tíðindi
  1. Próvtøkuótti 13.11.2025 (002)

    Opin fyrilestur á netinum um próvtøkuótta

  2. Rógvi Olavson Staðið Phd 13112026

    Væleydnað ph.d.-verja hjá Rógva

  3. Forsíða Klipt

    Setrið byggir brúgv til miðnám