Nú byrja lestrarkaféir og verkstaðir fyri lesandi
Lestrarvegleiðingin á Setrinum skipar javnan fyri lestrarkaféum og verkstaðum fyri lesandi gjøgnum lestrarárið, og lagt verður út nú 5. september
Lestrarkaféin á Setrinum hevur til endamáls at savna lesandi á Setrinum til hugnaliga samveru við eini stuttari og lestrarviðkomandi framløgu.
Øll lesandi eru vælkomin og eingin tilmelding er neyðug.
Kaféin byrjar við einum drekkamunni kl. 13.00, og framløgan byrjar kl. 14.00.
Fyrsta lestrarkaféin verður 5. september, og framløguna hendan dagin heldur Cecilia N. Sørensen um fíggjarligt frælsi.
Nærri kunning um stað kemur í næstu viku.
Verkstaður fyri lesandi
Verkstaðurin hevur til endamáls, at lesandi virkið arbeiða við amboðum ella akademiskum førleikum, sum eru viðkomandi fyri lesturin.
Verkstaðurin er frá klokkan 13.00-15.00, og pláss eru fyri 15 til hvønn verkstað.
Fyrsti verkstaðurin verður 13. september um Ð, og tað er Lena Reinert, sum stendur fyri honum.
Tilmelding til verkstaðin er neyðug, og nærri kunning kemur eisini um tað í næstu viku.
Sí alla skránna fyri lestrarkaféir og verkstaðir lestrarárið 2023/24 her.
- 17.05.2024 Setrið LestrarskrivstovanHvør útbúgving hóskar til tín?Umhugsar tú at taka eina hægri universitetsútbúgving og g...
- 07.05.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...
- 06.05.2024 Setrið Søgu- og samfelagsdeildinVæl staðin ph.d.-verja hjá Sigri M. GaïniSeinnapartin vardi Sigri M. Gaïni ph.d.-ritgerð sína, sum...